فاكر بقاا في البوست اللي فات لما قلنا عن حمايه الحساب بالمصادقه الثنائيه ان هي لو اديت الباسورد لاي حد مش هيعرف يدخل برضو غير بالكود اللي هيوصلك في رساله علي تليفونك
دلوقتي بقاا الهكر عشان يدخل لحسابك محتاج الكود دا فابيقا قدامه طريقه انو يخترق تليفونك كله اه والله زي مبقولك كداا
يخترقو كلو كلوو اه كلو كلوو 
طب هيخترق تليفوني ازاي بس ؟
فاكر اما قلتلك في البوست اللي فات انو بيشوف انت مهتم بايه وبتحب اي
هيبدا باستغلال الحاجه اللي انت بتحبها دي انك مهتم وبتحب الكوره
هيعمل مثلا برنامج صغير ويسميه مثلا ريال مدريد لحظه بلحظه
طبعا ريال مدريد دي الفرقه اللي حضرتك بتشجعها ومهتم بيها اوووي
طبعا هيدخل يبعتلك لينك البرنامج وطبعا بيكون مغير ايقونه البرنامج بيخليها مثلا صوره لاعب ريال مدريد او شعار النادي او اي حاجه من النوع دا فطبعا انت من غير اي مقدمات هتقوم دايس علي اللينك وتدخل تحمل البرنامج طبعا البرنامج بيعدي من جميع انظمه الحمايه لانو بيبقا متشفر 
عشان متقليش انا مثبت عندي احدث Antivirus وانا تليفوني نوعه كذا واصداره كذاا فا مش هيعرف يخترقو مبقاش في الكلام دا
الهكر لما بيكون محدد هدف لازم يذاكرك انت الاول عشان يعرف يخشلك
زي ما عرف عنك انك بتحب ريال مدريد وخلال تثبت البرنامج 
بعد ماحضرتك ثبت البرنامج وقلك تم التثبيت بنجاح طبعا اول حاجه هتعملها هتدخل علي البرنامج ف حضرتك اول ماضغطت علي البرنامج البرنامج اختفي 
اختفي ازاي يعني ؟
يعني مبقاش ظاهر عندك علي الشاشه في الحاله دي الهكر قاعد قدام جهازو وتليفونك بالكامل معاه
فاكر لما قلنا فووق لازم الكود عشان يدخل علي حساب فيسبوك بتاعك
هيقوم الهكر فاتح صفحه تسجيل دخول فيسبوك وهيكتب البريد الالكنروني بتاع حضرتك وهيعمل هل نسيت كلمه المرور وبعد كدا الفيس هيبعت كود علي تليفونك طبعا الكود هيوصل عندك وهيوصل عند الهكر لانو مخترق جهازك
طبعا الهكر هياخد الكود ويكتبو
طبعا حساب الفيس كان عليه مصادقه ثنائيه هيقوم الفيس باعتلك كمان كود بتاع المصادقه الثنائيه
طبعا الهكر هياخدو ويدخل علي حسابك وهيدخل يشيل رقم تليفونك ويشيل اي حاجه انت كنت رابطها بالحساب وكدا كدا هو معاه تليفونك يعني هيقدر ياخد الواتساب بتاعك والانستا وايميل ببجي وكلوو كلوو
وكل حاجه تيجي في دماغك ونسيت اقلك انو شايفك وسامعك طول الوقت من تليفونك
يعني تليفون حضرتك عليه شخصين بيستخدموه ويمكن الهكر يكون ليه صلاحيات اعلي منك كمان شفت بقااا
هو اخترق دماغك قبل ميخترق جهازك عشان خلاك تثبت البرنامج وهو كان متأكد انك هتثبته عشان عارف انك مهتم بفريق ريال مدريد قد أي 
استناني في البوست الجاي عشان اقلك هتأمن تليفونك ازاي وهقلك علي موقع هيخليك تقدر تتأكد من اي برنامج او ملفات أو رابط قبل متضغط عليه 
"اللهم علمنا ما ينفعنا وانفعنا بما علمتنا وزدنا علما يارب العالمين"
دمتم في أمان الله 
تعليقات
إرسال تعليق