احنا قلنا في الطريقه الاولي ان الهكر بيخترقك عن طريق لينك
الطريقه التانيه انو بيعمل حاجه اسمها هجمه الباسورد Dictionary Attack
يعني اي بقا الكلام دا ؟ 
فاكر في البوست اللي فات اما قلتلك ان الهكر بيجمع عنك معلومات زي اسمك ورقم تليفونك وتاريخ ميلادك
بياخد بقا الحاجات اللي جمعها دي ويجرب بيها علي الحساب بتاعك
طبعا هتقلي هيقعد يجرب دا كله
هقلك اه هيجرب دا كله بس مره واحده
هتقلي ازاي يعني مره واحده
هقلك متستعجلش
بيعمل ملف يحط فيه كل الحااجات اللي جمعها عنك وبيستخدم ادوات تولد باسوردات عشوائيه بمجرد انو بيحط للادوات دي اسمك ورقم تليفونك وتاريخ ميلادك واي حاجه يعرفها عنك مهما كانت صغيره
هتقلي هو في كدا هقلك وفيه اكتر من كداا كمان
بعد مابيحط الحاجات اللي مجمعها في الادوات اللي معاه
بتبدا تولد باسوردات
هشرحلك مثال بسيط
هو حط للاداه اسمك ورقم تليفونك وتاريخ ميلادك وبتحب ايه وتكره وكل اللي يعرفه عنك
مثلا
Osama
010123456789
1-1-2001
25 year
real madrid
Bmw
الاداه هتبدا تعمل باسوردات كتيره جدا زي كدا
Osama123
osama123456
osama010123456789
osama25
osama@25
Osama@madrid
osama@real madrid
Osama@Bmw
Osama bmw
o@s@a@m@a
دا مثال بسيط جداا 
لان الباسوردرات بتبقا كتيره جدا
بمجرد انو جمع شويه معلومات عنك
طب بعد كدا بيعمل اي ؟
ركز معايا في الحته دي
بيبدا يستخدم اداه تانيه تخمن علي الباسورد
ازاي بقاا ؟
الاداه بتطلب من الهكر البريد الالكتروني بتاعك ودا طبعا سهل انو يجيبو لانو معمول برقم تليفونك أو من ال ID اللي موجود علي صفحتك
بعد كدا بيحط الملف اللي فيه الباسوردات
وبعد كدا يضغط علي Enter والباسورد بتاع حضرتك بيطلع في اقل من دقيقه ويدخل يعمل تسجيل دخول علي حسابك علي فيسبوك
من غير ميبعتلك لينك ولا اي حاجه
دي الطريقه التانيه
في بقا طريقه تالته هتكون في البوست ال بعد الجاي واخطر واحده فيهم كلهم
استناني في البوست الجاي 
"اللهم علمنا ما ينفعنا وانفعنا بما علمتنا وزدنا علما يارب العالمين"
دمتم في أمان الله
أزال المؤلف هذا التعليق.
ردحذف